Ярим ҳимоячи Поль Погба, агар клубнинг энг кўп маош олувчи футболчисига айланса, "Манчестер Юнайтед" билан шартномасини янгилашга тайёр, дея хабар берди "L'Équipe" нашри.
Манбанинг хабарига кўра, Погба "Манчестер Юнайтед"да ҳужумчи Криштиану Роналдудан кўпроқ - ҳафтасига тахминан 585 минг евро маош олмоқчи.
Қайд этилишича, агар “Манчестер Юнайтед” ва 28 ёшли франциялик футболчи шартномасини узайтирмаса, футболчи 2022 йилнинг 1 январидан бошлаб бошқа клублар билан музокара олиб бориши мумкин бўлади.
Жорий мавсумда Погба "қизил иблислар" учун 13 ўйинда қатнашиб, 7та голли узатмани амалга оширди.
