"AS" nashri xabariga ko‘ra, "Barselona" yaqin vaqt ichida 17 yoshli yarim himoyachisi Gavi bilan shartnomani uzaytiradi.
"Barselona" klubi rahbariyati bu boradagi ishlarni boshlab yubordi. Qayd etilishicha, kataloniyaliklar futbolchining agenti bilan muzokaralarda oldinga qadam tashlangan. "Ko‘k-anor ranglilar" yarim himoyachiga 5 yillik shartnoma taklif qilmoqda.
Avvalroq, Gavining yangi shartnomasidagi tovon puli 1 milliard yevroni tashkil qilishi haqida xabarlar chiqqan edi.
Ispaniyalikning klub bilan amaldagi shartnomasi 2023 yilning iyunigacha mo‘ljallangan.
