“Napoli” yarimhimoyachisi Elif Elmas faoliyatini Ispaniya chempionatining top-klublaridan birida davom ettirishi mumkin. Bu haqda Italiya matbuoti xabar bermoqda.
Manbaning xabariga ko‘ra, Elmas uchun “Real” va “Barselona” raqobatlashmoqda. Qayd etilishicha, La Liga grandlari yanvar oyida makedoniyalik futbolchini qo‘lga kiritishga harakat qilishadi.
Joriy mavsumda Elmas A seriyada 12 ta o‘yinda maydonga tushdi. Uning hisobida bitta gol va ikkita golli uzatma bor.