«Manchester Yunayted»ning portugaliyalik hujumchisi Krishtianu Ronaldu vatani Portugaliya haqida chiroyli post yozdi.

«Oilam va men Portugaliyada har doim o‘zimizni ajoyib his qilamiz, qanchalik uzoq sayohat qilsak ham. Bu yerda ajoyib iqlim, mazali taomlar va odamlarning mehr-muhabbati bor. Men uchun vatanimga qaytish har doim yoqimli.

Endi Manchesterga qaytish va barcha e’tiborimizni maqsadlarimizga qaratish vaqti keldi, ammo biz tez orada qaytamiz. Tez orada ko‘rishguncha, Portugaliya!» – deb yozdi Ronaldu Instagram’da.

Eslatib o‘tamiz, Portugaliya JCH-2022 saralash turnirining «A» guruhida ikkinchi o‘rinni egalladi va to‘g‘ridan-to‘g‘ri turnirning final bosqichiga chiqa olmadi. Biroq, portugallar pley-off bosqichida jahon chempionati uchun kurashni davom ettiradi.