Yarimhimoyachi Aaron Remzi qishda katta ehtimol bilan “Yuventus”ni tark etadi. Turinliklar uelslik futbolchi bilan uzoq vaqtdan beri xayrlashishga harakat qilmoqda, shuning uchun ular o‘ta og‘ir holatlarda hatto o‘zaro kelishuv asosida shartnomani bekor qilishga tayyor.
Avvalroq, futbolchiga asosiy davogar “Arsenal” ekani xabar qilingandi, keyinchalik “Nyukasl” yarimhimoyachiga qiziqish bildirgandi. Endilikda Remzi uchun kurashga Londonning yana bir klubi “Tottenxem” ham qo‘shildi, deb xabar beradi Britaniyaning “Daily Mirror” nashri.
E’tiborlisi, “shporlar” “kanonirlar”ning asosiy raqibi bo‘lib, futbolchi uzoq vaqtdan buyon “to‘pchilar” sharafini himoya qilib kelgan, shu bois uning Antonio Konte jamoasiga kelishi tanlovi mahalliy muxlislar tomonidan ham turlicha qabul qilinishi aniq.
