Яримҳимоячи Аарон Рэмзи қишда катта эҳтимол билан “Ювентус”ни тарк этади. Туринликлар уэльслик футболчи билан узоқ вақтдан бери хайрлашишга ҳаракат қилмоқда, шунинг учун улар ўта оғир ҳолатларда ҳатто ўзаро келишув асосида шартномани бекор қилишга тайёр.
Аввалроқ, футболчига асосий давогар “Арсенал” экани хабар қилинганди, кейинчалик “Ньюкасл” яримҳимоячига қизиқиш билдирганди. Эндиликда Рэмзи учун курашга Лондоннинг яна бир клуби “Тоттенхэм” ҳам қўшилди, деб хабар беради Британиянинг “Daily Mirror” нашри.
Эътиборлиси, “шпорлар” “канонирлар”нинг асосий рақиби бўлиб, футболчи узоқ вақтдан буён “тўпчилар” шарафини ҳимоя қилиб келган, шу боис унинг Антонио Конте жамоасига келиши танлови маҳаллий мухлислар томонидан ҳам турлича қабул қилиниши аниқ.
