Superliganing 25-turidan o‘rin olgan “Bunyodkor” – “Surxon” (3:1) uchrashuvidan so‘ng mehmonlar bosh murabbiyi Bahrom Haydarov o‘z fikrlari bilan o‘rtoqlashdi.

- “Bunyodkor”ni g‘alaba bilan tabriklayman! Hozir bizga bir ochko ham tillaga teng, chunki oldimizdagi vazifani bajarishimiz lozim. O‘yin bo‘yicha hech bir futbolchimizga e’tiroz yo‘q. Xatolarni ko‘rib chiqamiz, bizni “Mash’al” bilan muhim o‘yin kutmoqda.

Yangi homiymiz haqida bilaman. Fikrimcha, ular keyingi mavsumdan bizga homiylik qilsa kerak. Hozir birinchi o‘rindagi vazifamiz – jamoani Superligada saqlab qolish.

Futbolchi uchun qancha ko‘p o‘yin bo‘lsa, o‘zini ko‘rsatishiga shuncha imkoniyat tug‘iladi. Bu yaxshi albatta. Superligada ishtirokchilar soni bo‘yicha masalani mutaxassislar ko‘rib chiqsa kerak.