Суперлиганинг 25-туридан ўрин олган “Бунёдкор” – “Сурхон” (3:1) учрашувидан сўнг меҳмонлар бош мураббийи Баҳром Ҳайдаров ўз фикрлари билан ўртоқлашди.

- “Бунёдкор”ни ғалаба билан табриклайман! Ҳозир бизга бир очко ҳам тиллага тенг, чунки олдимиздаги вазифани бажаришимиз лозим. Ўйин бўйича ҳеч бир футболчимизга эътироз йўқ. Хатоларни кўриб чиқамиз, бизни “Машъал” билан муҳим ўйин кутмоқда.

Янги ҳомиймиз ҳақида биламан. Фикримча, улар кейинги мавсумдан бизга ҳомийлик қилса керак. Ҳозир биринчи ўриндаги вазифамиз – жамоани Суперлигада сақлаб қолиш.

Футболчи учун қанча кўп ўйин бўлса, ўзини кўрсатишига шунча имконият туғилади. Бу яхши албатта. Суперлигада иштирокчилар сони бўйича масалани мутахассислар кўриб чиқса керак.