Coca-Cola Superligasining 25-turidan o‘rin olgan "So‘g‘diyona" - "Nasaf" uchrashuvidan so‘ng qarshiliklar bosh murabbiyi Ro‘ziqul Berdiyev matbuot anjumanida ishtirok etdi.

- “Bellashuv kurashlarga boy bo‘ldi. Oxirgi vaziyatlarni oladigan bo‘lsak, bizdan biroz omad yuz o‘girdi. Ko‘rdinglar to‘p 2 marta darvoza ustuni va to‘siniga tegib maydonga qaytdi. "So‘g‘diyona" ko‘proq kurashlarga taklif etadigan jamoa. Futbolchilarimizning bugungi o‘yinga tayyorgarligi yuqori edi. Durang natija vaziyatni yanada murakkablashtirdi. So‘ngi turgacha qaysi jamoa kumush va bronza medallarini qo‘lga kiritishi aniq emas. Bunday holat chempionatimizda kuzatilmayotgan edi. Chempionatimizni oxirini hisobga olsak, menimcha qiziq o‘tayapti. Durang manimcha adolatli natija bo‘ldi, har ikki jamoa g‘alaba uchun harakat qildi” – deydi Ro‘ziqul Berdiyev.

- Kubok o‘yinida ham asosiy tarkib o‘yinchilari zaxirada qoldirilgan edi. Bu OFK Kubogi uchun qilingan edi. Bugungi o‘yinda ham asosiy futbolchilar zaxirada qoldirildi. O‘tgan o‘yinda jamoa 2 raqam ostida harakat qilib kerakli natija erishilganligi sabab ular zaxirada qoldirildimi?

- Biz keyingi o‘yinni ham e’tiborga oldik. Chunki biz 3 kundan so‘ng AGMK jamoasi bilan O‘zbekiston kubogi final yo‘lamasini qo‘lga kiritish uchun maydonga tushamiz. Shu sabab ayrim futbolchilarga dam berishga qaror qildik. Bugun ularning o‘rniga tushgan futbolchilar ham maydonda yomon harakat qilishmadi. To‘gri, mazmunli o‘yin ko‘rsatmagandirmiz lekin kerakli natijani qo‘lga kiritdik.

- Chempionat ishtirokchilari soni oshirilishi haqida mish-mishlar tarqalmoqda. Bu borada “Nasaf” jamoasi murabbiyi sifatida emas, o‘zbek futboli mutaxassisi sifatida nima deya olasiz?

- Superligada ishtirokchilar ko‘p bo‘lgani yaxshi. Lekin avval biz bunga tayyor bo‘lishimiz kerak. Superliga ishtirokchilari soni ko‘paysa, Pro-liga va Birinchi ligaga bo‘lgan qiziqish kamayib ketishiva bu bizning futbolimizga salbiy ta’sir qilishi mumkin. Bu haqida har taraflama chuqur o‘ylanib qaror qabul qilinadi.