Ser Aleks Fergyuson 2013 yilda “Manchester Yunayted”ni tark etganidan beri klub to‘rt marta bosh murabbiyni ishdan bo‘shatgan. Britaniyaning “Daily Nation” nashri ta’kidlashicha, mankunianliklar uchun bunday iste’folar arzon bo‘lmagan.
Taqdim etilgan ma’lumotlarga ko‘ra, MYU murabbiylarni qoniqarsiz natijalar evaziga ishdan bo‘shatgani uchun 45 million yevro jarima to‘lagan. 2014 yil aprelida Devid Moyes 8,5 million tovon puli oldi, 2016 yilning may oyida Lui van Gal Manchesterni 10 million yevro evaziga tark etdi, Joze Mourinyo 2018 yil dekabrida 18 million yevro tovon puli evaziga ishdan ketgan bo‘lsa, Sulsher bugungi ist’fo uchun 9 million yevro miqdorida pul oladi.
Eslatib o‘tamiz, ayni paytda “qizil iblislar” faol tarzda yangi murabbiy qidirmoqda.
