Сер Алекс Фергюсон 2013 йилда “Манчестер Юнайтед”ни тарк этганидан бери клуб тўрт марта бош мураббийни ишдан бўшатган. Британиянинг “Daily Nation” нашри таъкидлашича, манкунианликлар учун бундай истеъфолар арзон бўлмаган.
Тақдим этилган маълумотларга кўра, МЮ мураббийларни қониқарсиз натижалар эвазига ишдан бўшатгани учун 45 миллион евро жарима тўлаган. 2014 йил апрелида Дэвид Мойес 8,5 миллион товон пули олди, 2016 йилнинг май ойида Луи ван Гал Манчестерни 10 миллион евро эвазига тарк этди, Жозе Моуриньо 2018 йил декабрида 18 миллион евро товон пули эвазига ишдан кетган бўлса, Сульшер бугунги истъфо учун 9 миллион евро миқдорида пул олади.
Эслатиб ўтамиз, айни пайтда “қизил иблислар” фаол тарзда янги мураббий қидирмоқда.
