"Milan" "Lill" yarim himoyachisi Renatu Sansheshni sotib olishni rejalashtirmoqda, deya xabar beradi "Football Italia" nashri.
Manbaning xabariga ko‘ra, Italiya klubi yanvarda jamoani tark etishi mumkin bo‘lgan Frank Kessining o‘rniga munosib nomzod izlamoqda.
Shuningdek, Sansheshga Londonning “Arsenal” klubi ham qiziqish bildirmoqda.
24 yoshli yarim himoyachisning "Lill" bilan shartnomasi 2023 yilning iyun oyi oxirigacha amal qiladi. "Transfermarkt" portali futbolchining narxini 30 million yevroga baholamoqda.
Fransiya chempionatining joriy mavsumida futbolchi 6ta o‘yin o‘tkazib, 1 golli uzatmani amalga oshirgan.
