"Милан" "Лилль" ярим ҳимоячиси Ренату Саншешни сотиб олишни режалаштирмоқда, дея хабар беради "Football Italia" нашри.
Манбанинг хабарига кўра, Италия клуби январда жамоани тарк этиши мумкин бўлган Франк Кессининг ўрнига муносиб номзод изламоқда.
Шунингдек, Саншешга Лондоннинг “Арсенал” клуби ҳам қизиқиш билдирмоқда.
24 ёшли ярим ҳимоячиснинг "Лилль" билан шартномаси 2023 йилнинг июнь ойи охиригача амал қилади. "Transfermarkt" портали футболчининг нархини 30 миллион еврога баҳоламоқда.
Франция чемпионатининг жорий мавсумида футболчи 6та ўйин ўтказиб, 1 голли узатмани амалга оширган.
