Londonning “Chelsi” klubi Chempionlar ligasi guruh bosqichi 5-turidan o‘rin olgan Turinning “Yuventus” klubiga qarshi o‘yin oldidan kadrlar bilan bog‘liq muammolarga duch keldi. Bu haqda “aristokratlar” bosh murabbiyi Tomas Tuxel OAV vakillari bilan suhbatda aytib o‘tdi.
«Hali Lukakuga ishonch yo‘q. U jamoa bilan mashg‘ulot o‘tkazmoqda, ammo shifokorlarning yakuniy xulosasini bilish muhim. Haversga kelsak, uning sonida ozgina muammo bor, shuning uchun uni oxirgi o‘yinda almashtirdik. Kay o‘yinni o‘tkazib yuborishi mumkin degan xavotirlar bor.
Jorjinyo va Verner bilan hammasi joyida, ular mashg‘ulot o‘tkazmoqda, deya nemis mutaxassisining so‘zlarini keltirmoqda “Chelsi” matbuot xizmati.
Uchrashuv bugun “Stemford Brij”da bo‘lib o‘tadi. O‘yin Toshkent vaqti bilan soat 01:00da boshlanadi.