Chempionship vakili "Sheffild Yunayted" klubi ustozi Slavisha Yokanovich jamoa futbolchisi Jon Flek ahvoli haqida gapirdi. U vaziyatga quyidagicha oydinlik kiritdi:
"Men vaziyatga to‘la izoh bera olmayman, ammo u kasalxonada. U o‘ziga keldi va bizdan o‘yin natijasini so‘radi. Umid qilamizki, u bilan hammasi joyida bo‘ladi. U hozirda shifokorlar qaramog‘ida, yaxshi parvarish qilinmoqda. Men doktor emasman. Shu sabab vaziyatga haqida ko‘p gapirishni istamayman. Ammo yaxshi yangilik shuki, u yaxshi va sog‘aymoqda".
Flek seshanba kuni "Riding"ga qarshi bahsning ikkinchi bo‘limining 11 daqiqasida o‘zini yomon his qilgan. Ko‘p o‘tmay, maydonga yiqilib, xushidan ketgan edi. O‘yin 1-0 hisobidagi "Sheffild"ning g‘alabasi bilan yakunlangandi.
