Чемпионшип вакили "Шеффилд Юнайтед" клуби устози Славиша Ёканович жамоа футболчиси Жон Флек аҳволи ҳақида гапирди. У вазиятга қуйидагича ойдинлик киритди:

"Мен вазиятга тўла изоҳ бера олмайман, аммо у касалхонада. У ўзига келди ва биздан ўйин натижасини сўради. Умид қиламизки, у билан ҳаммаси жойида бўлади. У ҳозирда шифокорлар қарамоғида, яхши парвариш қилинмоқда. Мен доктор эмасман. Шу сабаб вазиятга ҳақида кўп гапиришни истамайман. Аммо яхши янгилик шуки, у яхши ва соғаймоқда".

Флек сешанба куни "Ридинг"га қарши баҳснинг иккинчи бўлимининг 11 дақиқасида ўзини ёмон ҳис қилган. Кўп ўтмай, майдонга йиқилиб, хушидан кетган эди. Ўйин 1-0 ҳисобидаги "Шеффилд"нинг ғалабаси билан якунланганди.