"Manchester Yunayted" sport direktori Jon Merton jamoa bosh murabbiyligiga ikki nomzod bilan uchrashdi.
"The Telegraph" nashri xabariga ko‘ra, klub Lyusyen Favr va Rudi Garsiya bilan gaplashgan. Ikkala murabbiy ham hozircha ishsiz.
Shuningdek, “Manchester Yunayted” rahbariyati ispaniyalik mutaxassis Ernesto Valverde bilan ham tahminiy shartnoma borasida gaplashib ko‘rgan.
Eslatib o‘tamiz, "qizil iblislar" 21 noyabr kuni Ole-Gunnar Sulsherning bosh murabbiy lavozimidan bo‘shatilganini e’lon qilgan edi. Maykl Kerrik hozirda jamoaning vaqtinchalik bosh murabbiyi hisoblanadi.
