"PSJ" klubi ustozi Maurisio Pochettino "MYU" bilan bog‘liq xabarlarga izoh berdi. U bu haqda shunday deydi:
"Men o‘z e’tiborimni butunlay futbolga qaratganman. Men yosh bola emasman. Men o‘z hayotimni futbolga baxsh etganman va hozir murabbiyligimning 12 yilida turibman. Bizning kasbda mish-mishlar juda ko‘p uchraydi. Men atrofda nimalar bo‘lyotganini anglab turibman. Bu kabi narsalar mening fikrimni bo‘la olmaydi. Mish-mishlar doimo bo‘lgan va biz bu bilan yashashga majburmiz. Men hozirgi ishimga 100 foiz o‘z kuchimni bag‘ishlayman. Men "PSJ"da baxtliman. Har bir o‘yinda g‘alaba qozonish mening va jamoamning asosiy vazifasi bo‘lib qolmoqda".
Pochettino jamoasi "Man Siti"ga 2-1 hisobida imkoniyatni boy bergan edi.