"Barselona" bosh murabbiyi Xavi Ernandes jamoa futbolchisi Usmon Dembeleni olib qolishni istaydi. Avvalroq chiqqan xabarlarda Dembelening maoshi klubga og‘irlik qilayotgani, shu sabab fransiyalik futbolchini sotishi mumkinligi haqida aytilgandi.

Shunga qaramay, Xavi Usmonni jamoada olib qolib, uni asosiy figurga aylantirishni istaydi. "Barsa"ning moliyaviy ahvoli bunga dosh berishi qiyin. Dembelening joriy bitimi yozda tugaydi.

U Kataloniyada qolish uchun haftasiga 210 ming funt maosh talab qilmoqda. Futbolchi uchun da’vogarlar safida esa "Nyukasl" ham mavjud. "Qarg‘alar" hozirda Dembele uchun aytilgan maoshni to‘lashga qurbi yetadi.