Amsterdamning “Ayaks” klubi Yevropa gigantlari uchun futbolchi tayyorlashda davom etmoqda. 19 yoshli yarimhimoyachi Rayan Gravenberx Italiya A seriyasi va Angliya Premyer-ligasida faoliyat olib borish imkoniyatiga ega, deb xabar beradi “Calciomercato” nashri.

Iqtidorli yarimhimoyachi uchun “Yuventus” va “Liverpul” kurashorib bormoqda. Gravenberxning transfer qiymati 33 million yevroga baholanmoqda.

Rayan Amsterdam klubi akademiyasining tarbiyalanuvchisi hisoblanadi. Asosiy jamoa tarkibida u 2019 yilning sentyabr oyidan beri o‘ynamoqda. Uning shartnomasi 2023 yilning o‘rtalariga qadar mo‘ljallangan.

Joriy mavsumda Erediviziya yarim himoyachisi 13 ta o‘yin o‘tkazib, 1 ta gol urdi va ikkita ogohlantirish oldi.