Амстердамнинг “Аякс” клуби Европа гигантлари учун футболчи тайёрлашда давом этмоқда. 19 ёшли яримҳимоячи Райан Гравенберх Италия А серияси ва Англия Премьер-лигасида фаолият олиб бориш имкониятига эга, деб хабар беради “Calciomercato” нашри.
Иқтидорли яримҳимоячи учун “Ювентус” ва “Ливерпуль” курашориб бормоқда. Гравенберхнинг трансфер қиймати 33 миллион еврога баҳоланмоқда.
Райан Амстердам клуби академиясининг тарбияланувчиси ҳисобланади. Асосий жамоа таркибида у 2019 йилнинг центябр ойидан бери ўйнамоқда. Унинг шартномаси 2023 йилнинг ўрталарига қадар мўлжалланган.
Жорий мавсумда Эредивизия ярим ҳимоячиси 13 та ўйин ўтказиб, 1 та гол урди ва иккита огоҳлантириш олди.