“Barselona“ “Manchester Siti“ klubi hujumchisi Ferran Torresning transferi ustida ishlamoqda.
Kataloniyalik insayder Jerar Romeroning xabar berishicha, Kataloniya klubi sport direktori Mateu Alemani hozir Manchesterda va “Siti“ bilan Torresning ehtimoliy transferi borasida muzokaralar olib bormoqda.
Manbaga ko‘ra, futbolchi “Barselona“ga o‘tishni intiqlik bilan kutmoqda. Klublar transfer formulasini muhokama qilishmoqda. Katta ehtimol bilan, bu sotib olish opsiyasi bilan ijara bo‘ladi.
Ferran shaharliklar bosh murabbiyi Xosep Gvardiolaga “Barsa“ga o‘tishni istayotganini aytdi. Unga boshqa klublardan takliflar bor, lekin u faqat Kataloniya klubiga o‘tishni xohlaydi.
Shuningdek, ko‘k-anorranglilar ustozi Xavi ispaniyalikning transferiga allaqachon rozilik bergani qayd etilgan.
