“Барселона“ “Манчестер Сити“ клуби ҳужумчиси Ферран Торреснинг трансфери устида ишламоқда.

Каталониялик инсайдер Жерар Ромеронинг хабар беришича, Каталония клуби спорт директори Матеу Алемани ҳозир Манчестерда ва “Сити“ билан Торреснинг эҳтимолий трансфери борасида музокаралар олиб бормоқда.

Манбага кўра, футболчи “Барселона“га ўтишни интиқлик билан кутмоқда. Клублар трансфер формуласини муҳокама қилишмоқда. Катта эҳтимол билан, бу сотиб олиш опцияси билан ижара бўлади.

Ферран шаҳарликлар бош мураббийи Хосеп Гвардиолага “Барса“га ўтишни истаётганини айтди. Унга бошқа клублардан таклифлар бор, лекин у фақат Каталония клубига ўтишни хоҳлайди.

Шунингдек, кўк-анорранглилар устози Хави испанияликнинг трансферига аллақачон розилик бергани қайд этилган.