"Chelsi" ustozi Tomas Tuxel jamoa futbolchisi Romelu Lukakuning maydonga qaytish ehtimoli haqida gapirdi:
"Romelu hozirda mashg‘ulotlarga kirishgan. Agar undan maydonga tushasanmi, deb so‘rasangiz, u: "Ha, men tusha olaman, bunga aminman" deb javob beradi. Ammo mashg‘ulotlarga tayyor bo‘lish bilan o‘yinga tayyor bo‘lishni orasida biroz farq mavjud. Keyin, oddiy o‘yin bilan APL bahsiga tayyor bo‘lish orasida ham tafovut bor. Chunki APL bu mutlaqo boshqa daraja. Biz bu borada tavakkal qila olmaymiz".
Eslatib o‘tamiz, Lukaku oktyabr oyida "Malmyo"ga qarshi kechgan YECHL bahsida jarohat olgan edi.