Fabio Kapelloning fikricha, Stefano Pioli "Milan" bilan yangi shartnoma imzolashga haqli bo‘lgan. Mutaxassis “rossoneri”ning yosh futbolchilari bilan ajoyib ishlamoqda. Ular italiyalik mutaxassis qo‘l ostida o‘yin borasida jiddiy o‘sishdi.
"Haqiqatdan ham munosib. Qilgan ishlari, jamoa va yoshlarning o‘sishi, klub va futbolchilar o‘rtasida yarata olgan muhiti uchun. Bu natijaga ta’sir qiluvchi muhim jihat: hamma o‘zini murabbiy va jamoa bilan bog‘langandek his qiladi.
Men uning yosh futbolchilarga bosim o‘tkazmasdan ularni tarbiyalash qobiliyati haqida gapirishni yoqtiraman. Misol: o‘yinchi xatoga yo‘l qo‘ygan taqdirda ham unga ishonchini saqlab qoladi, unga yangi imkoniyat beradi. Har bir futbolchi Pioli bilan katta bo‘ladi", - dedi Kapello.
