Фабио Капеллонинг фикрича, Стефано Пиоли "Милан" билан янги шартнома имзолашга ҳақли бўлган. Мутахассис “россонери”нинг ёш футболчилари билан ажойиб ишламоқда. Улар италиялик мутахассис қўл остида ўйин борасида жиддий ўсишди.
"Ҳақиқатдан ҳам муносиб. Қилган ишлари, жамоа ва ёшларнинг ўсиши, клуб ва футболчилар ўртасида ярата олган муҳити учун. Бу натижага таъсир қилувчи муҳим жиҳат: ҳамма ўзини мураббий ва жамоа билан боғлангандек ҳис қилади.
Мен унинг ёш футболчиларга босим ўтказмасдан уларни тарбиялаш қобилияти ҳақида гапиришни ёқтираман. Мисол: ўйинчи хатога йўл қўйган тақдирда ҳам унга ишончини сақлаб қолади, унга янги имконият беради. Ҳар бир футболчи Пиоли билан катта бўлади", - деди Капелло.
