"Arsenal" hujumchisi Aleksandr Lyakazett mavsum yakunida jamoani tark etishi mumkinligi haqida gapirdi.
“Albatta, agentlarim barcha amalga oshishi mumkin bo‘lgan variantlarni ko‘rib chiqmoqda. Lekin men o‘zim bor e’tiborni faqat navbatdagi o‘yinlarga qaratmoqchiman, hech bo‘lmaganda yanvargacha. Yanvar oyida ko‘ramiz, qanday takliflar bor, qiziqarli chaqiriqlar bormi yoki... Umuman olganda, savollar ko‘p, lekin yanvargacha kutishni ma’qul ko‘raman", – dedi Lyakazett.
2021/22 yilgi mavsumda hujumchi "Arsenal" tarkibida 10ta o‘yinda maydonga tushib, 3ta gol va 1ta golli uzatmani amalga oshirgan. 30 yoshli fransiyalik futbolchining “kanonirlar” bilan tuzgan shartnomasi 2022 yilning iyun oyi oxirigacha amal qiladi.
