Joriy yilning 26-noyabr kuni «Nurafshon» professional futbol klubi anjumanlar zalida navbatdan tashqari yig‘ilishi bo‘lib o‘tdi.

Unda Buxoro viloyati hokimi o‘rinbosari, viloyat Turizm va sport bosh boshqarmasi boshlig‘i Botirjon Shaxriyorov, Buxoro neftni qayta ishlash zavodi ma’sul xodimi va viloyat Turizm va sport bosh boshqarmasi boshlig‘i o‘rinbosari Ismoil Mirzayev, hamda «Nurafshon» futbol klubi rahbariyati, ishchi xodimlari va jamoa ishqibozlari ishtirok etishdi.

Yig‘ilish davomida mazkur klubdagi ayni damdagi vaziyatlar, “Buxoro sport majmuasi”dagi chimning holati va yig‘ilishning asosiy kun tartibidagi, futbol klubiga yangi rahbar tayinlash to‘g‘risidagi masalalar ko‘rib chiqildi.

Unga ko‘ra, «Nurafshon» professional futbol klubi bosh direktori etib Qodirov O‘tkir Olimovich tayinlandi.

Shuningdek, O‘tkir Olimovichga ma’lum majburiyatlar ya’ni bular: jamiyat moliyaviy holatini yaxshilash, homiylik mablag‘larini jalb qilish bo‘yicha aniq choralar ko‘rish, mavjud kreditor qarzdorliklarni shu jumladan oylik ish haqidan qarzdorliklarni bartaraf etish choralarni ko‘rish hamda kelgusi 2022 yilda jamoani Pro ligadan Superligaga olib chiqish kabi vazifalar yuklatildi.