"Arsenal" hujumchisi Aleksandr Lyakazett qishki transferlar vaqtida jamoasini o‘zgartirishi mumkin, deya xabar beradi "Telefoot".
Ma’lumotlarga ko‘ra, futbolchi yanvarda "kanonirlar"ni tark etmoqchi, shu sababli u agentidan o‘ziga mos klub topishni so‘ragan. Futbolchiga da’vogarlarning biri "Atletiko" hisoblanadi.
Xabar qilinishicha, London klubi 30 yoshli futbolchini qo‘yib yubormoqchi emas va unga 2023 yilgacha shartnoma taklif qilishga tayyor.
2021/22 yilgi mavsumda Lyakazett “Arsenal” safida 11ta o‘yinda maydonga tushib, 3ta gol va 1ta golli uzatmani amalga oshirgan. Forvardning "kanonirlar" bilan shartnomasi 2022 yilning iyun oyi oxirigacha amal qiladi.
