"Арсенал" ҳужумчиси Александр Ляказетт қишки трансферлар вақтида жамоасини ўзгартириши мумкин, дея хабар беради "Telefoot".
Маълумотларга кўра, футболчи январда "канонирлар"ни тарк этмоқчи, шу сабабли у агентидан ўзига мос клуб топишни сўраган. Футболчига даъвогарларнинг бири "Атлетико" ҳисобланади.
Хабар қилинишича, Лондон клуби 30 ёшли футболчини қўйиб юбормоқчи эмас ва унга 2023 йилгача шартнома таклиф қилишга тайёр.
2021/22 йилги мавсумда Ляказетт “Арсенал” сафида 11та ўйинда майдонга тушиб, 3та гол ва 1та голли узатмани амалга оширган. Форварднинг "канонирлар" билан шартномаси 2022 йилнинг июнь ойи охиригача амал қилади.
