"Lill" yarim himoyachisi Jonatan Ikone tez orada "Fiorentina" futbolchisiga aylanishi mumkin, deya xabar beradi jurnalist Fabrisio Romano o‘zining Twitter sahifasida.
Ma’lumotlarga ko‘ra, klublar o‘rtasidagi muzokaralar yakuniy bosqichda. Italiyaliklar 23 yoshli futbolchi uchun 15 million yevro to‘lashga tayyor. Shartnomada yarim himoyachining keyingi sotuvidan tushadigan foiz ham ko‘rsatiladi. Fransiyalik futbolchi yanvar oyida "binafsharanglilar" safiga borib qo‘shiladi.
Joriy mavsumda Ikone Fransiya chempionatining 16 o‘yinida 1 ta gol urdi. Transfermarkt portali futbolchining narhini 25 million yevroga baholagan.
