"Лилль" ярим ҳимоячиси Жонатан Иконе тез орада "Фиорентина" футболчисига айланиши мумкин, дея хабар беради журналист Фабрицио Романо ўзининг Twitter саҳифасида.
Маълумотларга кўра, клублар ўртасидаги музокаралар якуний босқичда. Италияликлар 23 ёшли футболчи учун 15 миллион евро тўлашга тайёр. Шартномада ярим ҳимоячининг кейинги сотувидан тушадиган фоиз ҳам кўрсатилади. Франциялик футболчи январ ойида "бинафшаранглилар" сафига бориб қўшилади.
Жорий мавсумда Иконе Франция чемпионатининг 16 ўйинида 1 та гол урди. Transfermarkt портали футболчининг нарҳини 25 миллион еврога баҳолаган.
