"Manchester Yunayted"ning afsonaviy murabbiyi Ser-Aleks Fergyuson jamoadagi faoliyati davomida uchratgan eng yaxshi sardor nomini aytdi. U bu haqda shunday deydi:
"Uning ismi Brayan Robson. U klubda ko‘rgan eng yaxshi jamoa sardori edi. Uning "MYU"da bo‘lgan paytlari eng yaxshi futbolchi sifatida eslanadi. Hamma uni yaxshi ko‘rar edi. U men ko‘rgan va jamoaga eng uzoq boshchilik qilgan sardor sanaladi. O‘zi jamoa sardori bo‘lish juda qiyin ish. Chunki ba’zida butun o‘yinchilarga haqiqatni aytishingizga to‘g‘ri keladi. Robson vaqti kelganda jamoadoshlarini tanqid qilar, vaqti kelganda qo‘llar, ruhlantirar edi. Uning o‘yinlari ham betakror edi".
Robson "MYU"ga 1982-1994 yillar davomida sardor bo‘lgandi.