"Манчестер Юнайтед"нинг афсонавий мураббийи Сер-Алекс Фергюсон жамоадаги фаолияти давомида учратган энг яхши сардор номини айтди. У бу ҳақда шундай дейди:
"Унинг исми Браян Робсон. У клубда кўрган энг яхши жамоа сардори эди. Унинг "МЮ"да бўлган пайтлари энг яхши футболчи сифатида эсланади. Ҳамма уни яхши кўрар эди. У мен кўрган ва жамоага энг узоқ бошчилик қилган сардор саналади. Ўзи жамоа сардори бўлиш жуда қийин иш. Чунки баъзида бутун ўйинчиларга ҳақиқатни айтишингизга тўғри келади. Робсон вақти келганда жамоадошларини танқид қилар, вақти келганда қўллар, руҳлантирар эди. Унинг ўйинлари ҳам бетакрор эди".
Робсон "МЮ"га 1982-1994 йиллар давомида сардор бўлганди.
