Everton" "Zenit" hujumchisi Serdar Azmunga qiziqish bildirmoqda. Jamoa eronlikni Richarlisonning o‘rniga o‘rinbosar sifatida ko‘rmoqda va unga jiddiy taklif bilan chiqishga tayyor, deya ta’kidlaydi "90min.com" portali.

Qayd etilishicha, “Everton” xo‘jayini, asli asli eronlik Farhod Moshiri Serdarga muxlislik qiladi va texnik direktor Marsel Brands PSVdagi faoliyati davomida uni qo‘lga kiritishga harakat qilgan.

Oldinroq Azmun "Lion"ga o‘tishga yaqin ekani haqida xabarlar tarqalgan edi. Fransuz klubi 26 yoshli eronlik futbolchini qishki transferlar vaqtida sotib olishi mumkin.

Azmun joriy mavsum “Zenit” safida 20 ta o‘yinda maydonga tushib, 9 ta gol urdi va 4 ta golli uzatmani amalga oshirdi.

Eronlik futbolchining “Zenit” bilan shartnomasi 2022 yilning iyun oyi oxirida yakuniga etadi. "Transfermarkt" futbolchini 25 millionga baholamoqda.