Эвертон" "Зенит" ҳужумчиси Сердар Азмунга қизиқиш билдирмоқда. Жамоа эронликни Ричарлисоннинг ўрнига ўринбосар сифатида кўрмоқда ва унга жиддий таклиф билан чиқишга тайёр, дея таъкидлайди "90min.com" портали.
Қайд этилишича, “Эвертон” хўжайини, асли асли эронлик Фарҳод Мошири Сердарга мухлислик қилади ва техник директор Марсель Брандс ПСВдаги фаолияти давомида уни қўлга киритишга ҳаракат қилган.
Олдинроқ Азмун "Лион"га ўтишга яқин экани ҳақида хабарлар тарқалган эди. Француз клуби 26 ёшли эронлик футболчини қишки трансферлар вақтида сотиб олиши мумкин.
Азмун жорий мавсум “Зенит” сафида 20 та ўйинда майдонга тушиб, 9 та гол урди ва 4 та голли узатмани амалга оширди.
Эронлик футболчининг “Зенит” билан шартномаси 2022 йилнинг июн ойи охирида якунига этади. "Transfermarkt" футболчини 25 миллионга баҳоламоқда.
