"Sautgempton" klubi ustozi Ralf Xazenxyuttl o‘z faoliyati haqida gapirdi. Unga bu haqida savol berilganda nemis mutaxassisi shunday deydi:
"Men bu yerda uzoq yillardan beri ishlayapman. Ha, bu juda murakkab kechgan. Men bu yerga Chempionlar ligasi klubidan keldim. Hozirda jamoamiz maqsadi ligada qolish bo‘lib turibdi. Bu hayot-mamot kurashi. Har kuni, har hafta bu jangga kirmoqdamiz. Bu yo‘lda o‘sishga ham erishganimizni ta’kidlab o‘tish lozim. Bor o‘yinchilardan foydalanib, maksimum yaxshi natijaga intilish kerak".
"Avliyolar" yakshanba kuni "Brayton"ni mehmon qiladi.
