"Саутгемптон" клуби устози Ральф Хазенхюттль ўз фаолияти ҳақида гапирди. Унга бу ҳақида савол берилганда немис мутахассиси шундай дейди:

"Мен бу ерда узоқ йиллардан бери ишлаяпман. Ҳа, бу жуда мураккаб кечган. Мен бу ерга Чемпионлар лигаси клубидан келдим. Ҳозирда жамоамиз мақсади лигада қолиш бўлиб турибди. Бу ҳаёт-мамот кураши. Ҳар куни, ҳар ҳафта бу жангга кирмоқдамиз. Бу йўлда ўсишга ҳам эришганимизни таъкидлаб ўтиш лозим. Бор ўйинчилардан фойдаланиб, максимум яхши натижага интилиш керак".

"Авлиёлар" якшанба куни "Брайтон"ни меҳмон қилади.