Biroz avval O‘zbekiston kubogi final bahsi yakunlandi. “Paxtakor” va “Nasaf” o‘rtasida kechgan uchrashuvda qarshiriklar 2:1 hisobida g‘alaba qozondi va 2021 yilgi O‘zbekiston kubogi sohibiga aylandi.
“Ajdarlar” bu g‘alaba orqali kelasi mavsumda ham xalqaro maydondagi ishtirokini naqd qilib qo‘ydi. Ya’ni “Nasaf” 2022 yilda Osiyo chempionlar ligasi saralash bahslarida ishtirok etadi. G‘alaba qozonsa, klublar darajasidagi qit’aning nufuzli turnirida qatnashadi va Jizzaxninng “So‘g‘diyona” klubi OFK kubogida qatnashish imkoniyatiga ega bo‘ladi. Agarda Qarshi klubi saralash uchrashuvida muvaffaqiyatsizlikka uchrasa, qit’adagi ikkinchi darajali musobaqa guruh bosqichida qatnashadi.
