«Energetik-BGU» futbolchisi Bobir Abdixoliqov O‘zbekiston kubogi finali haqida o‘z fikrlarini bildirdi.

«Kubok final uchrashuvini «Dinamo» stadionidan tomosha qildim. «Nasaf» tarbiyalanuvchisiman, albatta ularni qo‘llab-quvvatlash uchun kelgan edim.

Lekin finalning bunday darajada tantanali o‘tishi xayolimga ham kelmagan edi. Tashkilotchilar katta ish olib borgani ko‘rindi.

Kubokning avtobusda Samarqand bo‘ylab sayri, Registon maydonidagi kubok bilan fotosessiya, konsert dasturlari, futbolchilar maydonga chiqib kelishidan oldin o‘tgan tadbirlar — barchasi yuqori darajada bo‘ldi.

Avvalgi yillar faqatgina futbol uchrashuvini tomosha qilar edim. Endi esa uchrashuv atrofidagi tadbirlarga ham qiziqishim ortdi.

«Nasaf»ning barcha muxlislarini ushbu g‘alaba bilan tabriklayman. Jamoa kambek qilib, o‘z irodasini namoyish etdi va g‘olibga aylandi. «Nasaf» bunga loyiq edi», — deydi Abdixoliqov.