«Real» hujumchisi Luka Yovich o‘z kelajagini bundan keyin ham «Real»da ko‘rmoqda.

AS nashri xabariga ko‘ra, forvard yanvar oyida o‘z agentlaridan boshqa klublarning takliflarini tinglashni so‘ragan. Bunga rahbariyatning serbiyalik futbolchini sotishga urinib ko‘rishi sabab bo‘ldi. Endi u agar «Real»dagi o‘yinlari bilan rahbariyatni qoniqtira olsa, ketish fikridan voz kechadi.

Bu holatda Luka boshqa klublar bilan aloqaga chiqmaydi, chunki uning orzusi «Real»da muhim o‘rin topish.

Ma’lumot uchun, Karim Benzemaning jarohati tufayli serb «Real» – «Sosedad» uchrashuvining 17-daqiqasida zaxiradan maydonga tushib, gol urdi va golli uzatmani amalga oshirdi.

Chempionlar ligasi doirasidagi «Inter»ga qarshi o‘yinda (2:0) hujumchi ilk daqiqalardanoq maydonga tushgan edi.