“Vest Xem” bosh murabbiyi Devid Moyes qishki transfer oynasidagi rejalari bilan o‘rtoqlashdi. “Bolg‘achilar” markaziy himoyachi Kurt Zuma o‘rniga o‘rinbosar qidiradi. 

“Biz strategiyani o‘zgartirishimiz kerak edi. Dastlab hujumchi topishni rejalashtirgandik, endi esa vaziyat o‘zgardi.

Himoyada jiddiy muammolarimiz bor, bu bizning rejalarimizga sezilarli ta’sir qiladi. O‘ylaymanki, biz himoyaviy o‘yinchilarni izlashimiz kerak. Umid qilamanki, yanvarda kimnidir sotib olamiz”, - dedi Moyes.

Ma’lumot o‘rnida, Premyer-ligada joriy mavsumning 15-turidan so‘ng “Vest Xem” turnir jadvalida to‘rtinchi o‘rinni egallab turibdi.