“Вест Хэм” бош мураббийи Дэвид Мойес қишки трансфер ойнасидаги режалари билан ўртоқлашди. “Болғачилар” марказий ҳимоячи Курт Зума ўрнига ўринбосар қидиради.
“Биз стратегияни ўзгартиришимиз керак эди. Дастлаб ҳужумчи топишни режалаштиргандик, энди эса вазият ўзгарди.
Ҳимояда жиддий муаммоларимиз бор, бу бизнинг режаларимизга сезиларли таъсир қилади. Ўйлайманки, биз ҳимоявий ўйинчиларни излашимиз керак. Умид қиламанки, январда кимнидир сотиб оламиз”, - деди Мойес.
Маълумот ўрнида, Премьер-лигада жорий мавсумнинг 15-туридан сўнг “Вест Хэм” турнир жадвалида тўртинчи ўринни эгаллаб турибди.