Yevropa ligasida guruh bosqichiga yakun yasaldi. Natijada musobaqaning pley-off bosqichida ishtirok etadigan 24ta jamoa nomi aniq bo‘ldi.

«Lion», «Monako», «Galatasaroy», «Bayer», «Spartak», «Ayntraxt», «Srvena Zvezda» va «Vest Xem» klublari guruh g‘olibi sifatida Yevropa ligasining nimchorak final bosqichiga yo‘l olishdi.

Guruhda 2-o‘rinni egallagan klublar esa 1/16 final bosqichida ishtirok etishadi va ularga Yevropa chempionlar ligasi guruh bosqichida 3-o‘rinni egallagan jamoalar raqib bo‘lishadi.

Yevropa ligasi guruh bosqichida 2-o‘rinni egallagan klublar: «Reynjers», «Real Sosyedad», «Napoli», «Olimpiakos», «Lasio», «Braga», «Betis» va «Dinamo Zagreb».

YECHL guruh bosqichida 3-o‘rinni egallagan jamoalar: «RB Leypsig», «Portu», «Borussiya Dortmund», «Sherif», «Barselona», «Atalanta», «Sevilya» va «Zenit».

Yevropa ligasi pley-off bosqichiga qur’a tashlash marosimi 13 dekabr, dushanba kuni bo‘lib o‘tadi. Tadbir Toshkent vaqti bilan 17:00da boshlanadi.