Европа лигасида гуруҳ босқичига якун ясалди. Натижада мусобақанинг плей-офф босқичида иштирок этадиган 24та жамоа номи аниқ бўлди.

«Лион», «Монако», «Галатасарой», «Байер», «Спартак», «Айнтрахт», «Црвена Звезда» ва «Вест Хэм» клублари гуруҳ ғолиби сифатида Европа лигасининг нимчорак финал босқичига йўл олишди.

Гуруҳда 2-ўринни эгаллаган клублар эса 1/16 финал босқичида иштирок этишади ва уларга Европа чемпионлар лигаси гуруҳ босқичида 3-ўринни эгаллаган жамоалар рақиб бўлишади.

Европа лигаси гуруҳ босқичида 2-ўринни эгаллаган клублар: «Рейнжерс», «Реал Сосьедад», «Наполи», «Олимпиакос», «Лацио», «Брага», «Бетис» ва «Динамо Загреб».

ЕЧЛ гуруҳ босқичида 3-ўринни эгаллаган жамоалар: «РБ Лейпциг», «Порту», «Боруссия Дортмунд», «Шериф», «Барселона», «Аталанта», «Севилья» ва «Зенит».

Европа лигаси плей-офф босқичига қуръа ташлаш маросими 13 декабрь, душанба куни бўлиб ўтади. Тадбир Тошкент вақти билан 17:00да бошланади.