Madridning “Real” klubi bosh murabbiyi Karlo Anchelotti Ispaniya chempionati 17-turidan o‘rin olgan “Atletiko” bilan derbi oldidan futbolchilarining holati haqida gapirdi.
"Bizda bugun individual mashg‘ulot o‘tkazgan Benzemaning holatini baholash uchun bir necha kun bor. Kazemironing ahvoli yaxshi, qolganlari esa o‘yinga tayyor. Bugun ba’zi o‘yinchilar biroz charchagani sezildi, lekin ikki kunda ular ham kuch to‘plab olishadi. Kurtua "Sevilya"ga qarshi ajoyib o‘yin o‘tkazdi, Militao ham. Alaba Mendi kabi barqaror o‘ynashda davom etmoqda. Bu jamoaga gol o‘tkazib yubormaslikka yordam beryapti", – dedi Anchelotti "Marca" nashriga bergan intervyusida.
