UYEFA tartib-intizom qo‘mitasi Konferensiya ligasi guruh bosqichining 6-turidan o‘rin olgan “Tottenxem” – “Renn” uchrashuvi bo‘yicha ish ochadi, deb xabar bermoqda Sky Sports UYEFAga tayanib.
Qayd etilganidek, klublar ehtimoliy takroriy o‘yin bo‘yicha kelisha olishmadi, shu bois o‘yin hech qanday muddatga qoldirilmaydi.
8 dekabr kuni "Tottenxem" klubida koronavirus tarqalishi sababli o‘yin o‘tkazilmasligini e’lon qildi. Keyinchalik "Renn" bayonot bilan chiqdi, unda ular "shporlar"ning qarorini mustaqil va UYEFA tomonidan tasdiqlanmagan deb atadilar. Shuningdek, fransuz klubi UYEFAga shikoyat yuborish niyatini bildirgan va "Tottenxem"ning xatti-harakatlarini halol o‘yinga nisbatan hurmasizlik deb atagan.
"Tottenxem" - "Renn" uchrashuvi 9 dekabr kuni bo‘lib o‘tishi kerak edi. "Tottenxem" Konferensiya ligasining "G" guruhida 5 o‘yinda 7 ochko bilan uchinchi, "Renn" 5 o‘yinda 11 ochko bilan birinchi o‘rinda bormoqda.
