«Todofichajes» nashrining xabar berishicha, «Manchester Siti» rahbariyati bir qancha muammolarni hal qilsa, Ferran Torresni «Barselona»ga qo‘yib yuborishga tayyor.
Shuningdek, Manchester klubi kelishuvga Torresni qayta sotib olish bandini kiritish niyatida ekani xabar qilingan. Demak, «shaharliklar» istalgan vaqtda yarimhimoyachini ma’lum pul evaziga qaytarishi mumkin.
Ikkinchi variant shundaki, «Manchester Siti» o‘yinchining boshqa klubga keyingi sotilganidan foizini oladi. Manbaga ko‘ra, «Siti» «Barselona»ga ushbu variantlardan birini tanlashini aytgan.
Eslatib o‘tamiz, 15-turdan so‘ng «Manchester Siti» 35 ochko bilan Angliya Premyer-ligasi turnir jadvalida peshqadamlik qilmoqda. 15 turda 23 ochko jamg‘argan «Barselona» Ispaniya La Ligasi turnir jadvalida 7-o‘rinda bormoqda.
