«Todofichajes» нашрининг хабар беришича, «Манчестер Сити» раҳбарияти бир қанча муаммоларни ҳал қилса, Ферран Торресни «Барселона»га қўйиб юборишга тайёр.
Шунингдек, Манчестер клуби келишувга Торресни қайта сотиб олиш бандини киритиш ниятида экани хабар қилинган. Демак, «шаҳарликлар» исталган вақтда яримҳимоячини маълум пул эвазига қайтариши мумкин.
Иккинчи вариант шундаки, «Манчестер Сити» ўйинчининг бошқа клубга кейинги сотилганидан фоизини олади. Манбага кўра, «Сити» «Барселона»га ушбу вариантлардан бирини танлашини айтган.
Эслатиб ўтамиз, 15-турдан сўнг «Манчестер Сити» 35 очко билан Англия Премьер-лигаси турнир жадвалида пешқадамлик қилмоқда. 15 турда 23 очко жамғарган «Барселона» Испания Ла Лигаси турнир жадвалида 7-ўринда бормоқда.
