"Norvich" klubi bosh murabbiyi Din Smit "MYU"ga mag‘lubiyatda hakamni aybladi. U bu haqida shunday dedi:
"Men penalti belgilangan vaziyatni qaytadan ko‘rib chiqdim. To‘g‘ri, kontakt bor edi. Ammo men sizga shunga o‘xshash vaziyatlarni besh-oltitalab keltirib bera olaman. Ammo bizga shunday vaziyatlar uchun penalti belgilab berilmadi. Biz bunda adolat bo‘lishini, izchillikni xohlaymiz. Biroq hakam bunday qilmadi. Hakam "MYU"ga juda osonlik bilan penalti qo‘yib berdi. Bilaman, mening gaplarim alamzada mag‘lubniki kabi yangrayotgan bo‘lishi mumkindir. Ammo biz bu o‘yinda mag‘lubiyatga loyiq emasdik".
Ushbu o‘yindan keyin "kanareykalar" turnir jadvalida so‘nggi o‘rinda qolib ketadigan bo‘lishdi. Ular keyingi o‘yinni o‘z maydonida, "Aston Villa"ga qarshi o‘tkazadi.
